有時遇到同事一臉彌留妝容
氣若游絲咁同你講今朝仲發緊燒 頭先係廁所嘔完
都有一股強烈嘅衝動想推佢面
再寄予一句 "返屋企訓啦柒頭!"
機艙上活動空間少 但係工作量巨大
好多時候四肢健全上機 都會做到半身不遂落機
再加上最近鄰國肺炎如狼似虎
帶病返工基本上係度講緊
"Come on baby~ 肺 me hard! 肺 me harder!!"
同事們見你病得咁辛苦
鬧你又唔好意思 diu你又驚傳染
但係又要被義務要做埋你嗰份
你port sick嘅話仲有幾廿萬standby大軍隨時侍候
就算call唔切 好命嘅仲可以搏到有補水
但係而家全team人要孭住個debuff carry你過關
上客時你識得過濾走d病君
驚佢地率眾妖害人
但發生係自己身上又選擇走私病菌
要全機人陪你一齊經營細菌養殖場
想攬炒嘅話其實香港每區都有d局可以畀你試下
佢地大把OT錢可以睇醫生睇到七老八十
冇人想冇左班靚機 蝕左舊大錢
但係為左個人利益賭上幾百人嘅健康
咁樣做係自私
冇人想入關愛會 要定期返去公司畀人審問有冇食菜
但係一方面鬧呢個制度唔人道 一方面又用生命值硬接
咁樣做係on9
抱恙上陣
惹病左其他人只會受千夫所指
並唔會得到同事或者公司景仰
所以如果唔舒服嘅話
返屋企訓啦柒頭!
Search